សេចក្តីប្រកាសព័ត៌មាន៖ ការដាក់ឱ្យប្រើប្រាស់កម្មវិធី EAC App ពេញលេញសម្រាប់អ្នកប្រើប្រាស់អគ្គិសនី នៅតំបន់ផ្គត់ផ្គង់របស់អ្នកកាន់អាជ្ញាបណ្ណអគ្គិសនីឯកជន
នៅថ្ងៃទី៩ ខែធ្នូ ឆ្នាំ២០២៥ អាជ្ញាធរអគ្គិសនីកម្ពុជា បានចេញសេចក្តីប្រកាសព័ត៌មានជម្រាបជូនសាធារណជនថា អាជ្ញាធរបានដាក់ឱ្យប្រើប្រាស់ កម្មវិធី EAC App ពេញលេញ ដើម្បីឆ្លើយតបនឹងតម្រូវការរបស់អ្នកប្រើប្រាស់អគ្គិសនីឋិតក្នុងតំបន់ផ្គត់ផ្គង់របស់អ្នកកាន់អាជ្ញាបណ្ណអគ្គិសនីឯកជន។ តាមរយៈកម្មវិធី អ្នកប្រើប្រាស់អាចពិនិត្យតាមដានការប្រើប្រាស់អគ្គិសនីរបស់ខ្លួន ទូទាត់ថ្លៃប្រើប្រាស់ប្រចាំខែ និងស្នើសុំសេវាផ្សេងៗ រួមមាន៖ ភ្ជាប់ចរន្តថ្មី ដំឡើងកម្លាំងប្រើប្រាស់ ផ្លាស់ប្តូរព័ត៌មានទូទៅ និងស្នើសុំភ្ជាប់ចរន្តឡើងវិញ។ លើសពីនេះ អ្នកប្រើប្រាស់អាចរាយការណ៍បញ្ហាទៅអ្នកផ្គត់ផ្គង់ និងទទួលបានព័ត៌មានអំពីការផ្គត់ផ្គង់អគ្គិសនី និងព័ត៌មានផ្សេងៗទៀតអំពីវិស័យអគ្គិសនី។ អាជ្ញាធរអគ្គិសនីកម្ពុជាបានស្នើសុំឲ្យអ្នកប្រើប្រាស់ទាំងអស់នៅក្នុងតំបន់ផ្គត់ផ្គង់របស់អាជ្ញាបណ្ណឯកជនមេត្តាទាញយកកម្មវិធី EAC App សម្រាប់ប្រើប្រាស់ ទាំងតាមប្រព័ន្ធប្រតិបត្តិការ Android និង IOS។
អាជ្ញាធរអគ្គិសនីកម្ពុជា
